Suman-suman

Suman-suman(Simalungun)

Poda ni suman-suman ni na tarsulei malungun ma inon,
Ale amang na mamasai e,
ulang amang nagoran na patidakkon hadatuon,
amang na mamasai e,
bisara guro-guro do i,
amang na marholong ni atei e.
I ma amang lottik ni solpah
Pinartali ni etet
Marangrang pe gan buluh
So dong na marsigeisi ia
Adong na marsigeisi padugur-dugur bulung.
I ma borit ni jolma
Na girah tading maetek
Mapingor pe gan ulu
So dong na maniseisi ia
Adong maniseisi palungun-lungun uhur do hassa
Alo amang na mamasai e.
Ai ma nian nini uhurhu
Ase husuratkon bani buluh parlilian ni parbotoanta on
Atek ijon do hassa jolma juppahan ajar
Sadia saganupan amang na sahutahon
Na rukkon inang na sahutahon.
Mattagang gattar bolak do saganupanna
Na ulang tarpalit tardais borit ni pinangindouhu
Ao amang na mamasai e.
Tongon do nini uhurhu homani
Alo amang na marholong ni atei e.
Birei-birei ni solpah
Ratting ni pangulhulan
Bilei do hape jolma
Na hurang paruhuran
Alo amang na mamasai e.
Sebe amang na tarturi-turihon sombuni saganupan
Husulhon namin hasang hasang pe lang marbuah
Alo amang na mamasai e.
Husuba namin lajang-lajang pe lang marubah
Atek na mahua ma jolma na rukkon halak saganupan
Alo amang na mamasai e
Suman-suman ni buluh parlilian ma use
Alo amang na mamasai e.
Ulang ham inang na ransah bani buluh parlajaran ni dakdanak
Dainang parbotoan ne bani bonang badiri pe
Ulang maransah i do inang hasoman hundul na rukkon jongjong
Alo inang parbotoan ne age barang sanrotap bonang badiri
Na ulang do tarolol laho alo parbotoan ne sali
Na ulang do jolma dainang makkatahon na marayoh
Boti inang so dong boi huparombohon badanku bani amang na sahutahon
Na rukkon bani inang na sahutahon
Atek na mahua ma jolma na rukkon halak gonupan
Alo amang na mamasai e
Loppou ma nassa sibar sule nassa adangan boritni lang pinindou
Alo inang na marholong ni atei e
Ai ma dainang nabaen borikkononmu i bagas paruhuranmu
Alo botokku e.
Marliot ma bokbokan hian-kian
Marliok pinarbuah sapadang
Marlingot ma panonggur hian-kian
Marlingot-lingot dolok singgalang
Alo parbotoan ne ama dainang.
Ase ulang ho maransah marpodah bani akkula badanku
Atek ra tolap podahmu inang parba.
(by. Uli Kozok)