Ateate

Na solot di ateate, na gompang di pusu-pusu.

Lapatanna: Na pineop di bagasan roha, na naeng sidohonon.

Read More...

Asar

Pulik asar ni lali,
Pulik asar ni leang-leang,
Pulik na sinali,
Pulik na nilehon.

Lapatanna: Ndang boi dos bahenon barang na sinali dohot barang na nilehon ni halak tu iba, sipaulahon do na sinali.

Read More...

Arirang

Sidangka ni arirang, na so tupa sirang,
Saleleng hosa digomgom badan.

Lapatanna: Padan na togu, na mandok, na so tupa sirang, sahat tu na mate.

Read More...

Api

Tinutung tu api,
Pinatuba songon soban,
Naung tinuptup ni tahi,
Unang be masisolsolan.

Lapatanna: Molo adong sada ulaon binahen naung sian dosni tahi hian, ndang boi adong be panolsolion, manang beha pe ujungna.

Read More...

Antajau

Antajau Haludi,
Tu pining na mongkol mata,
Sahalak pe mandok na uli,
Luhut ma hita nampunasa.

Lapatanna: Sahalak pe na mandok hata i, sude ma hita taruli.

Read More...

Ansuan

Ansuan sisada-sada,
Pege di punguan,
Si samudar si samarga,
Tongka masibuatan.

Lapatanna: Tongka do i di hita batak, masibuatan na samarga.

Read More...

Ansimun

Ansimun na martagan,
Gala-gala markahombu,
Hansit na hona tangan,
Hansitan na hona podu.

Lapatanna: Humansit do na hona hata sian na hona tangan.

Read More...

Angkup

Siangkupna songon na hundul,
Sidonganna songon na mardalan,
Ai marangkup do na uli,
Mardongan na denggan.

Lapatanna: Hata na naeng dohonon dope, tamba ni hata nauli naung nihatahon.

Read More...

Angkat

Mangangkat ma padidit,
Mangisir tu andor-andir,
So adong na tarpasiding,
Molo ro nipi na sambor.

Lapatanna: Ndang tarhoishon, molo dung ro sitaonan tu iba.

Read More...

Andora

Niida rupa, ndang tinanda roha;
Aha ma tandaon, dihuphupi andora.

Lapatanna: Buni do roha i, ndang boi mura tandaon sondon rupa ni jolma.

Artinya: Rupa/wajahnya bisa dilihat, hatinya tidak; betapa tidak karena ditutupi dada.

Read More...

Andalu

Andalu pe so ada,
Jala bonang pe so adong,
Na talu pe so ada,
Jala na monang pe so adong.

Lapatanna: Ndang adong manang ise na talu manang na monang, pargulutan na so marguna.

Read More...

Anak

Andung ni anak sabulan di dalan;
Andung ni boru sataon di dalan.

Lapatanna: Umbalga do holong ni roha ni boru di natorasna sian anak.

Read More...

Ampapaga

Ampapaga dolok,
Ampapaga sibuluan,
Unang hita marbada,
Ai hita do marsogot hita haduan.

Lapatanna: Ndang adong gunana hita pagulut, ai na tongtong do hita sada, nuaeng nang di tingki na ro.

Read More...

Amin

"Masiaminaminan songon lampak ni gaol".

Lapatanna: Masitungkol-tungkolan, masiolo-oloan.

Artinya: Saling menyokong seperti halnya dengan kulit batang pisang.

Read More...

Ambur

"Langkitang gabe hapur, na hinilang gabe mambur".

Lapatanna: Mura do marambolongan arta na binuat, na so sian dalanna.

Artinya: Siput air jadi kapur, yang didapat secara tidak adil akan mudah hilang/lenyap.

Read More...

Ais

Ais ma di babi, mundala ma di horbo;
Tarpasiat ma ari-ari, molo adong lagu jumolo.

Lapatanna: Ala naung adong hian na denggan hubahen tu ho, lam marjea maho, molo pola huburai.

Read More...

Ahut

Ndada ahut sibahen na godang;
Jomput sibahen na otik.

Lapatanna: Ndada lomo-lomo mambahen iba mamora manang pogos di ngolu on.

Read More...

Aek-2

Metmet aekna metmet dengkena;
Balga aekna balga dengkena.

Lapatanna: Molo pogos halak, otik do tumpakna. Alai molo mora halak, balga ma lehononna.

Read More...

Aek

Aek godang do aek laut;
Dos ni roha do sibahen na saut.

Lapatanna: Molo dos roha ni na sapunguan, sai na saut ma ulaonna denggan patupaonna.

Read More...

Adop

Tagonan do mangadop di jolma;
Unang mangadop di begu.

Lapatanna: Na boi dope tobuson sian jolma, alai na mago nama i, molo dung di begu.(Tumagon do iba marutang tu jolma, unang marutang tu begu).

Read More...