Dungdang

Mardungdang Sagala,
Marjoi harapotan,
Pajumpang na umboto hata,
Ingkon tanda na hadapotan.
Lapatanna: Molo pajumpang angka na bisuk, ingkon tarida hata na sala.

Read More...

Dulang

Unang sumuan dulang,
Mangaithon jabi-jabi,
Unang mambahen na so uhum,
Mambahen na si jadi.
Lapatanna: Unang binahen na so tama.

Read More...

Duda

Manduda ma panduda,
Gogo ma ditullangkon,
Padan na so taruba,
Naung sirang diulakkon.

Lapatanna: Nidok tu halak na marningot hata naung pinadanhonna, gabe mulak rohana, jala mulak muse mardenggan.

Read More...

Dolok

Dolok martimbang,
Hatubuan ni simarhora-hora,
Di Debata na di ginjang,
Do suhat-suhat ni hita jolma.

Lapatanna: Holan Tuhanta do na umboto haadongon ni hita jolma.

Read More...

Dokdok

Masihehean di na dokdok,
Masitoguan di na landit.

Lapatanna: Masiurupan jala masitungkolan di ulaon angka na borat.

Read More...

Dingin-dingin

Tubu dingin-dingin,
Di tonga-tonga ni huta,
Saur ma hita madingin,
Tumangkas hita mamora.

Lapatanna: Hata pangidoan pasu-pasu, anggiat sai horas-horas jala martamba dope nian hamoraon.

Read More...

Dengke

Dengke ni sabulan,
Binahen tu hirang-hirang,
Ala ni hata saotik,
Mambahen hasisirang.

Lapatanna: Otik do sipata bonsirna, mambahen na marsisolhot(sapunguan) sirang manang marbadai.

Read More...

Dapot

Dapot ursa dibahen bogasna,
Dapot imbo dibahen soarana.

Lapatanna: Dapot tandaon do halak sian pangalahona.

Read More...

Dao

Habang sidao-dao,
Habang marimpot-impot,
Hita padao-dao,
Padan i paingot-ingot.

Lapatanna: Nang pe dao be ingananta, ingkon hot do padanta i.

Read More...

Dagang

Tanda do sanggar dagang,
Potang ari marsipu-sipu,
Tanda do anak dagang,
Potang ari mangapusi ilu-ilu.

Lapatanna: Lungun do pangkilalaan ni anak somang.

Read More...

Dangka

Ndang tarbahen dangka-dangka dupang-dupang,
Ndang tarbahen hata-hata manggarar utang.

Lapatanna: Ndang boi lese utang holan ala ni hata-hata.

Read More...

Danggur

Nidanggur pidong,
Nidanggur so ra hona,
Bangko ni hita jolma,
Sai masiaithon tu jolona.

Lapatanna: Sai roha diri do anggo hita jolma.

Read More...

Dalihan

Tolu do dalihan,
Paopat sihal-sihal,
Torop pe anakniba,
Sada do siboto sibunian.

Lapatanna: Nang torop pe anakniba, sada do i haposan(hasian) na umboto perpeopan ni natorasna.

Read More...

Dagal

Sada dagal-dagal, sada dugul-dugul;
Sada na tangkang, sada na jugul.

Lapatanna: Rap na tangkang.

Read More...

Dabu

Patimbo hadabuan,
Pabagas halonongan.

Lapatanna: Ginjang ni roha na mangkorhon harurunsur dohot hadabuan.

Read More...