Ndang tarpasuman pangambe ni paronan;
Ndang tarpasuman na binahen ni dongan.
Lapatanna: Ndang sai tarulahon suman tu na binahen ni dongan.
Artinya: Tak selalu dapat kita tiru apa yang dilakukan kawan kita, membuat sesuatu persis sama adalah mustahil.
"Langkitang gabe hapur, na hinilang gabe mambur".
Lapatanna: Mura do marambolongan arta na binuat, na so sian dalanna.
Artinya: Siput air jadi kapur, yang didapat secara tidak adil akan mudah hilang/lenyap.
Ais ma di babi, mundala ma di horbo;
Tarpasiat ma ari-ari, molo adong lagu jumolo.
Lapatanna: Ala naung adong hian na denggan hubahen tu ho, lam marjea maho, molo pola huburai.
Ndada ahut sibahen na godang;
Jomput sibahen na otik.
Lapatanna: Ndada lomo-lomo mambahen iba mamora manang pogos di ngolu on.
Metmet aekna metmet dengkena;
Balga aekna balga dengkena.
Lapatanna: Molo pogos halak, otik do tumpakna. Alai molo mora halak, balga ma lehononna.
Aek godang do aek laut;
Dos ni roha do sibahen na saut.
Lapatanna: Molo dos roha ni na sapunguan, sai na saut ma ulaonna denggan patupaonna.
Tagonan do mangadop di jolma;
Unang mangadop di begu.
Lapatanna: Na boi dope tobuson sian jolma, alai na mago nama i, molo dung di begu.(Tumagon do iba marutang tu jolma, unang marutang tu begu).
"Mata abul ni mata".
Lapatanna:Songon i hansitna dibahen halak tu iba, laos songon i ma hansitna baloson tu ibana.
"Mate uluna, mangabasi ihurna".
Lapatanna: Nunga marujung nian sada parkaro(na masa) alai sai marnehet-nehet dope muse di pudi pangkorhonna.
Artinya:Kepalanya sudah mati, ekornya masih mengibas-ngibas (contohnya ular), dikatakan tentang suatu perkara, yang sebenarnya sudah diselesaikan, tetapi akibatnya masih terasa.
Eme Na martarupuk,
Tumambori bonana,
Ndang piga na maruntung,
Tulus lomo ni roha.
Lapatanna: Ndang piga na martua, saut dijalo na pinangido ni rohana di ngolu on.
